الأمتحانات فصل من فصول الحياه الى بتتكرر من أونه ل اخرى .. والى لازم نعيشها عشان نوصل للحاجه الى أحنا عاوزينها .. مفيش حد هيوصل لأى حاجه هو عاوزها بدون أمتحان
الأمتحان هو الى بيقيس ثمره تعبك ومجهودك خلال الفتره التعليميه الى قضيتها .. وعشان كده الأمتحان شيئ مهم جداً لأثبات نفسك فى شيئ ما
أمتحانات الثانويه العامه خلاص على الأبواب ونعتبر دلوقتى فى المرحله او المحطه الأخيره
أتكلمنا قبل كده عن المحطه الأخيره دى وسمناها محطه لم الشمل او بمعنى أشمل محطه المراجعه
القلق والخوف شيئ بيديهى جداً وبيزيد كل ما الأمتحانات تقرب .. ولكن متخليش القلق والخوف يكتفك ويبعدك عن المزاكره والمراجعه
متخليش القلق والخوق يخليك تقول انا مش قادر .. انا تعبان .. انا هفشل .. انا هسقط ... انا وانا واناا
متخليش القلق والخوف يديك دافع وايحائات سلبيه .. خليه ديماً دافع ومنبه أيجابى بالنسبالك ..
كل ما تلاقى نفسك خلاص الخوف والقلق والتوتر سيطر عليك وعلى حياتك وخلاص هيكتفك .. أفتكر أحلامك وطموحك وأهدافك الى هتوصلها لما هتنجح فى الأمتحان
https://www.youtube.com/watch?v=Vkdl7oqrDSo